Lieber Onkel Hansjörg!
Nun trittst du deine letzte Reise an. Dein Schaffen und Wirken wird in uns allen weiterleben. Du warst nicht nur ein hervorragender Schuhmachermeister, liebevoller Papa, Opa, Uropa, Onkel, du warst auch Freund, Kollege und Vollblutmusikant. Wie viele Jahre hast du mit Leib und Seele musiziert. Es wird nur wenige Proben, Kranzltage, Platzkonzerte, Musikfeste geben, an denen du nicht teilgenommen hast. Du warst immer zur Stelle, auf dich war Verlass. Die Erinnerung, wie du mit Freude und Leidenschaft die Melodien auf deinem Tenorhorn oder deiner Posaune gespielt hast, bleibt für immer. Sei's den Freundschaftsmarsch am Rauterplatz, Gruß an Schloss Weißenstein mit deinen "Olt Mottigan" oder den Sebeltanz uvm. Wir alle durften von dir lernen - Loyalität, Kameradschaft, Verbundenheit, Liebe und Freude zur Musik. Mögen die Melodien dich auf deiner Reise begleiten. Die letzten Klänge ertönen für dich alleine. Ruhe in Frieden und Harmonie!

"Wenn der letzte Ton auf Erden verklungen ist, beginnt die Melodie der Ewigkeit"

Opa, hetz sitz i do und versuch da schun es zweite Mol zu schreiben....immer wieder lösch i olles, weil ma ollm viakimmt, dass olles wos i schreib, nit ansatzweise des beschreiben kunn, wos du für mi - für uns olle- woasch!
Jemand hot a Kerze ungezunden mit den Worten: "Die Musik, deine Enkel und deine Urenkel - das war dein Leben" - und genau aso woa es. Du hosch uns jeden Tog gezoag und a gspian gelossen, wie wertvoll mia sein und wie wichtig mir DIR sein! Jeder woa gleich viel Wert bei dir und des gibt's nit bei vielen Menschen!
Momentan schmerzt jede Erinnerung an di so sehr, i bin oanfoch lei traurig, mei Herz tut weh....
Du weasch oanfoch so sehr und überall fehlen, oba mi tröstet der Gedanke, dass du hetz wieder ohne Schmerzen und Leid sein derfsch!

Opa, i versprich dir, i trog di weiter - du bisch immer hier bei mir - tief in meinem Herzen!
Danke für einfach ALLES!
Hun di so lieb❤️
Deine Babs

Hallo Urliopa,

i selber kunn jo no nit schreiben, deswegen loss i hetz mei Mama de Zeilen õcha tippen. I will da nämlich a no so gern epes sogn:
Wenn i an die denk, donn denk i an de unzähligen Stunden, de du mit mir in da Werkstatt und auf der Terrasse verbracht hosch. Mia homm so viele Fische aus Karton gebastelt, mit die Autos gespielt, gemalen und Bücher gschaug!
I hun mi immer so gfreit, wenn ma di und die Urlioma besuchen gfoahn sein. I hun donn immer an gonzen Sack voller Spielsachen zommen gsüecht, weil i am liebsten mit allen Sachen zugleich mit dir gespielt hätt. Di hot des immer zum Lochen gebrocht, wenn i donn mit dem Spielzeugsack, den i fost nema datrogn hun, valauta schware, iba die Haustür eini spaziert bin.
Immer wenn i mein Lieblingssaft trink, den "Urliopa Saft", werd i fest an di denken!

Du woasch mei Vorbild, mei "Held" - des hun i a so in a Freundebuch einigschrieben...

Danke für alles Urliopa, vermiss di hetz schun sehr.
Dein "Oberschotz" David

Liebe Trauerfamilie
Zum Ableben von enkan Hansjörg wellatn de Eva und i enk unsa aufrichtiges Beileid aussprechen. Mia wünschen enk viel Kroft und gegenseitige Hilfe und Unterstützung.
Aufrichtiges Beileid
Martin und Eva Rainer

Liebe Marion!
Liebe Rainer-Schüesta Nachbarn!

Olm homma uns gfreit, wenn ma in Hansjörg auf der Terrasse züegschaug hom, wie er seine Pflonzn gegossen hot oder mit die Kinder getrommelt oder gspielt hot. I wa nemma vergessen, wie er mir amol voll Stolz sein Zitronenbam gezoag hot - so epes superes in Motrei weiterbring, des isch für mi a Kunst!!

Wenn ma hetz Schueche kafn bei enk, wats awe komisch sein, wenn koa Hansjörg mehr über die Wendeltrepoe öchakimmp und mit uns hoangaschtet oder wenn er uns nemma beim vorbeifoan züewinkt.
Oamol hot er mir bei meine heißgeliebten Camouflageschuche die Sohle wieder ungeleimt. "I woas nit wie longe des heb", hot er sebm gsog, "oba probiermas lei amol." Zohln hot da Hansjörg mi sebm natürlich nit gelossn. Geheb hombse die Schueche und wiese geheb homb!!

Mühsom woan die letzten Toge & Wochen fürn Hansjörg und schmerzhoft a fa enk! Des hots so wilde auf ihn gschaug und mit so viel Liebe seites bei ihm gewesen! Wie unsa Opa gstorbm isch, hot die Kärntner Oma gsog: "Vergunnts ihm lei die Rüeh." Genauso vergunnen mir hetz in Hansjörg sei Rüeh. Hetz hota koan Weh mehr, koa Sorge und er weat olleweil bei enk sein und auf enk schaugn!

Mir hom oan von die feinstn Nochban, wenn nit in feinstn, verloren, oba mir wan oft an ihn denkn und von ihm erzählen. Da Hansjörg bleib uns unvergessen!!

Enk wünschn mir unser aufrichtigstes Beileid und gonz viel Kroft für die kemmenden Toge, mir sein in Gedanken und im Herzen bei enk!

So Opa, hetz sitz i do alloane, olls isch so ondast , woare decht de letzten 2 Monate jeden Tog mindestens 1x, meistens sogoa 2, 3 Mol bei dir.
Olls isch amol so finster und mei Herz isch so schware.
Am Sonntag hosche mi no umarmt und gsog: " Marion, mia rüafn uns olm un und reden miteinonda, und du holsch mi, wenn mi brauchsch, oba des misch du tüan, weil Auto foahn kun i nemma"...
Und woasch wos Opa? I gspiar di, dass bei mir bisch, olm wenns ma grod goa nit güat geht hetz....
Und wenne oft meine 4 Büabm musizieren hear mit de Instrumente de du ihnen gekaft hosch und a selber gspielt hosch, sebm geht ma es Herz auf und du bisch bei uns. Weil du a soooo stolz auf sie bisch wie i und da Gustl und se bei olls unterstützt hosch- immer. Und schaug....da Simon will am Samstag mit da Musik für di trommeln und da Jakob spielt mit da Posaune für di...des homse olls von dir.
I hun da a versprochen, auf de Oma aufzupassen- des moch i Opa- versprochen ❤️
Unser Beziehung isch wirklich a besondere, a storkes Band, des hot a jeder gspürt....deswegen hosch sicher am Dienstag no auf mi gewortet, wie olls schun so schware woa für di. I hun da gemeg de Hond holten und da sogen " Opa es passt. Moch deine Augen lei züa".
Und Opa glab mas, i rüaf di jeden Tog un und hol di zu mir, damit ma miteinonda reden kinnen und du mi wie olm frogsch: " Wie gehts in unsere fein Büabm und dir Marion?"
Hun di so lieb.
Deine Marion

A Opa wie DU!

An Opa wie di gibs koa zweits Mol auf der Welt -
weil lei du hosch sobold mia do woan olls ondare beiseite gstellt.

An Opa wie di, zum stundenlong spielen und Geschichten erzählen -
koan bessern Opa hetn mia uns gekinnt wählen.

An Opa wie di, zum spaßen und lochn -
mit koan ondan het man gekinnt soviele Bledsinne mochn.

A Opa wie du, der immer fröhlich und optimistisch woa -
isch a Vorbild für uns olle, des isch holt kloa.

An Opa wie di wünscht sich a jeder fürs Leben -
und mia sein so froh, dass es die in unsan hot geben!

An Opa wie di losst koana gern gian, oba die Erinnerungen an die gemeinsame Zeit lossn uns die Hoffnung auf a Wiedersehen nit verliern.

Lieber Opa und "Ulio" danke für olls ♥️

Liebster Urliopa,
du hosch mir gelernt, wie man "Mühle" spielt....stundenlong seima auf da Terrasse gesessen und homm sell gespielt. Immer wieder hosch mi gewinnen gelossen, lei damit i nit traurig bin.
Hetz bin i oba traurig Urliopa, weil du nema bei mir bisch....
Voller Stolz woasch dabei, wie i mein ersten Auftritt mit da Bläserklasse gehob hun, immer wieder amol hosch mi bei meinen kloanen Auftritten begleitet.
Danke Urliopa fa olles, vor allem fa de Zeit, de dir immer für mi und meine Geschwister genommen hosch.
Hun di sehr lieb 💗 hobs gut, wo a immer du hetz bisch❤️
Dein "Oberschotz" Celina

Lieber Urliopa,
es weat hetz ollm gonz komisch sein, wenn i bei enk ins Haus geh und du nemma do bisch! I vermiss di hetz schun so wilde ! Danke dass du mir no vor Kurzem beim Gitarre spielen züe gschaug hosch und mit mir im Takt mitgezählt hosch!
Und den "Cha-cha-cha", den du vor einiger Zeit no mit mir tonzen gewellt hosch, tonz i hetz holt amol alloane. In Gedanken bisch du oba fest bei mir.
Danke Urliopa, dei "Oberschotz" Leonie

La tua generositá si misura con gli indimenticabili gesti che ti hanno accompagnato per tutta l'esistenza. Grazie per averci donato tanto.
Riposa in pace.