Heil Tate,
heint vör an Johr hosche uns valossen - so traurig es ah isch. Deine Anrüfe und dei Spasse geht uns olle wilde oh, nie mehr di ze hean, ze sechn isch unbegreiflich. Vielleicht gibsche uns in oan oder ondern Tog wieder amol a Zeichen fe dir, dass ma spian das du bei uns bisch Tate. Mir hoffen das es dir do oben güet geht und schaug awe öcha ze uns. Owa oans isch gewiss, oamol seg ma uns wieder Tate. Mochs güet im Himmel und it ze wilde. ❤️🫂

A leises Glockenspiel, dein Plotz isch lare. Opa du fahlsch, und nix isch mehr wie's amol woar. De Kerzen leuchten hell, doch die Wärme fehlt, du feiersch Weihnachten im Himmel und mir feiern is erste mol Weihnachten uhne di. 🕯️😢
Die Flocken follen, a sonfter Tonz, du lächelscht, in einem onderen Glonz. Die Engel singen, a himmlisches Lied, du bisch bei uns, doch mir sechn di leider nit.👼❄️
Mir denken an di Tog und Nocht, an dein Lochen und deine Liebe. Du bisch im Himmel, bei den Engeln, sicher hosches gonz schian, mir vermissen di, Opa, und kinnen es nit vastian. 💕
Stille is wöarn uhne di, es Herz isch schware, die Sterne funkeln nur für di.💫💖
Mir feiern Weihnachten uhne di, doch im Herzen bisch du immer bei uns . De Liebe bleibt, a Weihnachten uhne di, isch a Schmerz, der für immer bleibt. 💓✨

Schiane Weihnachten Opa! ✨🎄✨

Heil Tate hetz bische schun 8 Munet nemma do wir vermissen dich sehr. Abschied nehmen tut weh, die Trauer bleibt lange und der Schmerz ewig. Die Erinnerungen an dich Tate leben in uns weiter und zaubern uns oft ein Lächeln ins Gesicht aber auch eine stille Träne der Trauer und Liebe. Tate Pass af uns auf und loss da nix ohgien. Unvergessen bleibst du! ❤️🌟

Heil Tate,🌺 a holbs Johr isch schun vagong seit du uns valossn hosch.😥 Mir denken jeden Tog an de schiane Zeit, dey mir mit dir vabrocht homm. 💓Schian was wenn du no do wasch Tate. Mir hoffen es geht da güet und tüe awe öcha schaugen af uns.🫂 Omol seg ma uns wieder Tate, gonz bestimmt. Du bleibsch ewig in unserem Herzen.🌸❤️

Heil Tate, hetz bische schun 5 Munet nemma bei uns, koa Tog vageht wo ma nit an di denken😥. Heint hesche nochgfrog wie is Zeugnis ausgfolln wa, wie jeds Johr. Mir hoffen es geht dir güet und schaug awe öcha af uns❤️. Liebe Grüße in den Himmel 💫🫶 Tate loss da nix ohgian🫂.

Heil Tate schun 9 Wochen uhne di, stille isch es wörn seit du nemma do bisch. 😥
Jeden Tog worte af dein Anruf, oba leider vergeblich.💓
I woas das du oben guat af uns aufpassen wasch und sicher hosche schun viel Bekonnte getroffen.🫂
Liebe Grüße in den Himmel wir vermissen dich.
In ewiger Liebe und Dankbarkeit Brigitta.❤️

Alles ändert sich mit dem,
der neben einem steht,
aber auch mit dem,
der neben einem fehlt!
- Silke-Maria Pohl -

Tate - und du, du fahlsch uns oanfoch gonz wilde!

Roman, Ramina und David

Heil Opa! ❤️🥀
Jeds Wochenende homma miteinonder telefoniert und du hosch oft ollwa nochgfrog wos in da Schüale los wor. Gott sei Donk hune di Opa in Sunntig noamol ungerüafen. Mit dir ze telefonieren wor ollwa a Hetz. Jeds Johr hosche nochgfrog wie is Zeugnis ausgfollen isch. Du Opa hosch gspasst das i bin auswendig learn dir ahnle warat. Mei Firminge leschtes Johr hosche dir nit nemm gelossen zin essen gien. Fria wie ma di Opa besuchen kem seim, bische ollwa af da Tarasse gsessen und mit dein geliebten Gugga gschaug woses neues gib in Prossegg. 💞Hetz Opa wasche fe obm mitn Gugga öcha schaugen wos überall asou los isch.💗 Ze Weihnachten wie ma olle no amol bei dir drinnen woanen hosche an moarts Appetit gehob wie schun longe nit mehr. So viel Leit hent ze deiner Begräbnis kem, sogor die Jagare hent fa di Opa extra ausgeruckt. Donkschian fa de Zeit de mir no mit dir gehob hommen. 💓Mir wean di immer in lieber Erinnerung beholten und hoffen das es dir do wo du hetz bisch wieder güat geht. Oamol seg ma uns wieder Opa!🌟💫 In liebervoller Erinnerung und Dankbarkeit dein Enkelkind Vanessa.💕🌺

Heil Tate❤️ an dem Tog wo du uns verlossen hosch homma no vormittoge telefoniert sem hosche mi gfrog wos es neues gib afn Klaunzerberg. Oft hune gsog it viel oba morgen kimme eh und bring da dein Wurstsemmel. Du Tate hosch oft gsog selle dawochte nemma und i hun lei gelocht und mir nix dabei gedenkt. ❣️Woasche no Tate wie ma de Schof fe da Taba aucha getrieben hom, du hosch gsog i soll mitn Kübel vörausgien, hätte gewisst das mi dei Schof mit der Glocke bold zomben Kübel umeschmeißt ware sicher hinten nochgong. Du hosch gelocht und gsog geh lei weiter bold seima doben. Wenne a Taxi gebraucht hosch oft hosche kurzfristig ungerüafen egal wo i die wieder aufgeleg hun bische bin hoagaschten gewesen. Tate danke fa olls wose fa uns Kinder getun hosch mir wam die ollwa in unserem Herzen trogen🫶. De Mame da Roman und die Ramina hent Tog und Nocht fa die dogewesen und gschaug das es dir güat geht.💞 I hoff du bisch güat unkem, es Wetter hot gepasst a schiane Musik hosche gehob und viel Leit homb dir Tate de letzte Ehre erwiesen und uns hot des wahnsinnig gfreit. Vergelts Gott Tate mir sechen uns wieder gonz bestimmt in ewiger Liebe und Dankbarkeit deine Tochter Brigitta mit Familie.❤️

Pfiate Tate i wa die sehr vermissen ! Dos hot die sicher sehr gfreit gestern, das so viele kemm hent zu deinem Begräbnis, und a mi und die Familie hot selle sehr gfreit. Danke an alle die kemm hent und noch mal danke an de Mame en Roman und de Ramina dase so guat af en Taten gschaug homp ! Wir werden uns wieder sehen dein Sohn Ingemar