Liebes Nannele, liebe Kinder,
mit großer Betroffenheit habe ich vom Tod eures geliebten Mannes und Vaters erfahren.
Es gibt kaum Worte, die in einer solchen Zeit Trost spenden können. Ich wünsche euch von Herzen viel Kraft, Zusammenhalt und liebe Menschen an eurer Seite, die euch durch diese schwere Zeit begleiten. Mögen die vielen schönen Erinnerungen an die gemeinsame Zeit euch Trost schenken und euch in den dunklen Momenten Halt geben.
In stiller Anteilnahme bin ich mit meinen Gedanken bei euch.
Mein herzliches Beileid.

Liebes Nannele mit Kinder!

GLAUBE, HOFFNUNG, LIEBE

sollen euch durch diese schwere Zeit des Abschiednehmens begleiten. Der Glaube an die Auferstehung, die Hoffnung auf ein Wiedersehen und die Liebe zueinander sind die drei Säulen, die uns über den Tod hinaus begleiten. Wir wünschen euch viel Kraft und senden auf diesem Weg unser tief empfundenes Beileid. Fam. Tschellnig

Aufrichtiges Beileid der Familie.

Aufrichtiges Beileid entbietet Toni Dalpra

Heil Papa ❤️
heint hob i bei da Bergmesse am Kegelstein ganz fest an di denken miassn. Da Pfarrer Pittel hot die Mess so schian gestaltet, und bei seine Worte hob i glei gspürt, dass er a di gemoant hot. Die Bläser hom so wunderbar gspielt, und i hob des Gfühl ghabt, dass du von oben auf uns obag’schaut und mitg’feiert hosch.

Später bei da Hittn hob i’s dann gsehn: a Kreuzl, des unverwechselbar dei Handschrift trog. Wie i den Hüttenbesitzer gfragt hob, wer des gmacht hot, hot er glei gsagt: „Des woar da Hainzer Flor.“ In dem Moment san ma olle still und gerührt wordn und hobn gspürt: DU bisch bei uns! Des woar a Zeichen.

Und jo, Papa – des Schnapsl auf da Hittn hob i auf di getrunken.

I woaß genau: Egal, welchen Gipfel i heuer no erklimm, du woarsch do sicher oben. Und i gfrei mi auf jeden Eintrag ins Gipfelbuch, wo i a paar Zeilen und a Gedankn für di dalossn dearf.

Du hosch mir schun als Kind die wunderschöne Osttiroler Bergwelt gezoag. Damals oft nit ganz freiwillig für mi – oba heint bin i unendlich dankbar dafür, weil du mir damals schun die Schönheit der Natur und de Ruhe gezoag hosch de i heint so genieß wenn i do oben bin. Wie viele Gipfel hom mir gemeinsam gemacht - i woass es nit?! Später, wie es dann für di zu beschwerlich woarn is hob i dia dann halt noch jeder Bergtour genau erzählt, auf welchem Gipfel i gewesen bin. Vor jedem Wochenende hosch mi gfrag, wos i diesmal vorhob und mia Toutentipps geben oder mia gsog auf welchen Berg a Messe isch.

Sogar in die letzten Wochen, wo du schun so schwach woarsch, isch des immer no unser Thema gwesen - und i hob gmerkt, dass i dabei dei volle Aufmerksamkeit ghabt hob.

In Zukunft kann i dia meine Touren nimma persönlich erzählen. Oba i woaß: Wenn i oben am Gipfel sitz und aufi zum Himmel schau, bisch du bei mir. Dann isch’s a bissl so wie früher, wie mia gemeinsam unser Speckjause gessen hom, Gugga gschaut hom und du mia die umliegenden Gipfel erklärt hosch - do hob i koa „Peak Finder“ App gebraucht! Des woar oanfoch lei gewaltig!

Danke für all die schian Erinnerungen, für die Liebe zu de Berg und für olls, wos du mir mitgeben hosch.

Mach’s guat, Papa. Berg Heil. ⛰️ 🕊️ den „höchsten Gipfel“ hosch jetzt erreicht! Bitte schau oba auf mi und beschütz und „begleit“ mi auf all meine Bergtouren! ❤️

Mein tiefes Mitgefühl an die ganze Familie erbeten ruhe in Frieden
sylvia

Hallo Flor,
ich werde dich als feinen, hilfsbereiten Menschen in guter Erinnerung behalten, bei enk dahoam hun i mi immer wie zu Hause gefühlt.
Besonders die lustigen Schnapsverkostigungen mit dir bei enk im Keller bleiben unvergessen 😀.
Mochs güat 🕊️🕯️

Hallo Flor
Etliche Martalen, davon hast du einige selbst kreiert, Wegkreuze und Hüttenkreuze warten nun vergeblich auf Pflege oder ein Kerzl anzünden.
Du hast das viele Jahre zur Freude aller, selbstlos getan.
Wenn du unterwegs warst, in der Osttiroler Bergwelt, war dein Stagglstecken dein treuer Begleiter. Viele deiner Stecken sind in Osttirol und darüber hinaus im Umlauf. Acht Mal warst du damit auf dem Großglockner.
Nun darfst du höher hinaufsteigen und hoffentlich hast du auch ein selbst kreiertes Schnapsl mit.

Danke Flor für Alles
Bruder Klaus mit Familie

lieber opa,
fe kloan auf woare immer schun gean bei dia und da oma. am liebsten unter uns, sem homa olbm an fein hoagast gehob!

wenne nit grot kartln oder mitn auto unterwegs woasch, hot men sich sicher sein gekinnt, dass men di in da kuchl afn tiwan untrifft. wenne nit in osttiroler geleisn hosch, hosche sem höchstwahrscheinlich grot dein mittogsschlof gemocht :)

gonz jung woare, zomme nussn geknackt homa untn in gortn, a bissle boll hin und hea gspielt, dei hundle in karim gstreichelt… volle gekamblt hune dan jeds mol, de hoabolln sein lei sou in gortn umageleign. glei aufgeklaub hosche se jeds mol…dei gortn und da rosn woa da hoch und heilig! i hoff du hoschs mas it all zu übel genommen :)
a feine erinnerung fe friara hune- oftramol wenne unterwegs woasch, bische mit dein rötn vw polo undn karim hintn in koffaraum, bei uns dahoame züagekeat, selle hot mi olbm volle gfreidet!

an bauchspeck, a hauswiastle und a vinschgerle, wie da blitz bische auf und schun hosche mas gebrocht! dei brettljause woa ma olbm am liabstn, a wilde gaude hune gehob wenne ma oftramol ebes mitgeibm hosch „fe dahoame“!

woe kloan woa hune lei züaschaugn gekinnt in schnopskella, oba deine schnaplsen hom mi olbm schun wilde geglustet. sogoa dei eign gebauts stampale hosche gehob! wenne hetz in wien dein nuss schnops trink, wose ma is leiste mol mitgeibm hosch, weare um so mehr auf di aufdenkn!

gonz viele schiane erinnerungen hune fe uns opa, die ollerschianste fe olle isch wenne di fe herzn lochn gsechn hun!
i will danke sogn, wilde fein hunes olbm mit dia gehob! wie immer a bussle links, a bussle rechts- mia sechn uns opa!🤍

-hannah <3