Lieber Wilf,

der letzte Wagen hat keine Fenster, die bei dir stets für einen netten Plausch runter gegangen sind, wenn man sich begegnet ist!
Und das lag selten allein an der Enge des Weges, sondern an Deiner besonderen Art, Dich zu unterhalten!

Den Angehörigen mein herzliches Beileid!

Dir lieber Wilfried eine schöne Verabschiedung mit einem letzten Servus von mir und RiP

Sigmund

Lieber Wilf!
Gean erinnere i mi af die Sonnenaufgongstour
af de Glonzolm wo du ins begleitet hosch.
Dei Art wie du in Gästen de Bergwelt näher brocht hosch wor einzigartig.
Mochs güt Wilf
Herzliches Beileid den Angehörigen.
Otto

Lieber Wilf!

Danke für alles, was du für uns in Hochfilzen getan hast!
Es war immer schön, wenn Sigi eure Mithilfe in Hochfilzen angemeldet hat.
Leider hatten wir so wenig füreinander Zeit und von einander gewusst - aber du warst ein Mensch, der immer geholfen und für alle da war… und das bleibt allen in Erinnerung - vor allem aber DU als Mensch.
Deinen Lieben wünsche ich viel, viel Kraft in dieser schweren Zeit des Abschieds und für das Kommende…
Auch deiner Mama…
Mein herzliches Beileid! Monika aus Hochfilzen

„Plon 38, isch ollm offe“ -
sell hosche ollm gsog, wenn ma mitanonda Kontakt gehob homen.
Gern hun i dei Ongebot ollm wieder ungenomm und bin meistens spontan bei dir vorbeikemm.
Mir hom viel glocht, viel Bleidsinn gered und a is oan und ondre Bier genossn ( oftramol a poar mehr 😉)
Umgekehrt is Egge woar fa di ollm offe -
„ Check in - check out“
sou hosche mir ollm gschriebm.
Du woarsch imma a Teil fe da Roaner- Familie ibaroll hinterlossesch du Spuren.
Wilf, mir kienens ollm nou nit glabm, dass du nimmer be ins bisch.
Vergellt‘s Gott fa olls, du bleibsch imma in
insra Erinnerung.

Wolfgang

Lieber Onkel Wilf,

wie oft die Oma seit sie bei da Mama drüben isch hetz af ihrn Geburtstog hin gsog hot: „oba ze mein Geburtstog will i unbedingt Hom ichn ze meine Bübn“ - leider isch’s hetz nimma sou weit kem, dos sie a letztes Mol mit ihre drei Bübn bam Tisch sitzen gekinnt hot… ze lescht hot’s holt epa decht a poor Zeichen geben dos se do geblieben isch be uns und wie froh ma am Ende des Toges olle darum woan! Hetz hot sie am Ende des Toges decht fost olle ihre Kinda be an Tisch ghob, holt leider aus am sehr traurigen Onloss… man hot on die Gsichta fe da Oma und deine Gschwister sofort gemerkt, doss do hetz noch’n Opa es nächste Puzzelteil in da Polten-Family fahlt… koans hät sich gewünscht dos du hetz schon über die Regenbogenbrücke zum Opa aufi gehn muasch, weil liaba war uns woll a gewesen, wenn du unsan Kloan be ana Familienfeier kennenglernt häsch und nit hetz bei die Engelen oben über uns wochsch… oba wie hot die Oma gsog… is Leben isch holt leider sou… oans teaf kem und a ondas müss giehn… und leider woasch des dermol du…

Mir sein unheimlich donkbor dos mir nou des Glick ghob hom, doss a vor zwoa Joah be unsra Hochzeit die gonzen Polten-Kinder getonzt und bis in die frühen Morgenstunden mit uns gfeiert hom! A wenn mir uns nit sovl oft gsegn hom, woasch du olba a gern gesehener Onkel, mit olba an lässigen Spruch auf die Lippen; a mitn Papa hot‘s iba‘s Jagan immer nette Gespräche geben und a es oan oda ondre Schnapsl isch dabei genossen worn… fe deine supern Würstln und in guaten Speck brauch ma gornit onfongen zu schwärmen - des wor sowieso es Beste vom Besten!

In die letztn Toge san mir natürlich a oft zum Zug kemen mit da Oma a bissl ze ratschen und olba wieder homa natürlich üba die gred… sie isch oanfoch unheimlich donkbor dos du in deina geliebten Natur zu Gott heimkehren geteaft hosch, sou wie‘s a olleweil dei Wunsch gewesen war! Mir hoffen oanfoch dos dir hetz guat geht wo du hetz bisch und pass mitn Opa bitte guat auf uns olle auf ♥️ Trinkts a Bier miteinonda, spielts a Runde Korten und vielleicht pockt‘es jo die Instrumente a nomol aus und spielt es oan oda ondre Stickl mitanonda! Danke für olls, wos du für olle geton hosch und du gesch do herunten hetz schon wahnsinnig ob ♥️

Moch‘s guat do wo du hetz bisch ✨

Die Nikolsdorfer ✨♥️✨

Liebe Trauerfamilie Blasisker!

Erinnerungen sind kleine Sterne, die tröstend in
das Dunkel unserer Trauer leuchten.

Aufrichtige Anteilnahme zum plötzlichen Tod von Wilf entbietet deine ehemalige Schulkollegin Anna Berger

Liaber Wilf!

Es isch nit zum Fassen, dass du nimmer unter ins bisch. Als Metzger bische für ins Bauern a gonz wichtige Person giweisn. Unzählige Mol bische gerüfen wöan, wenn a Tiar obgstürzt oder schwer verletzt giweisn isch und sei Leid hot beendet missn.

Weit umma sein deine selbergmochten Speck- und Wurschtwaren bekannt und gonz bsunders gschätzt gwesn. Für olls, wos du für mi und für ins Bauern getun hosch, sog i dir von Herzen Vergelt’s Gott.

Schaug öha auf ins olle und steh gonz bsunders deiner Familie bei, damit’s de schwere Zeit übersteht.

Loss da dein Speck und deine Würschtlen mitten in der Engelschar güt schmecken.

Pfiat di, Wilf – und Vergelt’s Gott für olls.

Hello….
Asou hosch du mi meistens begrüßt-hetz is oba leida Zeit zin pfiete sogn und dia amol ze donkn

Donkn mechit i dia va olls wos du va mi getun hosch

Ungfong dasse di bereit erklärt hosch, mei Firmpate ze sein und va den unvagesslichen Ausflug 😉

Dass du mi bin hausbauen sou sehr unterstützt hosch, i glab i hiet gemig - gfühlt 24 Stunden, 7 Toge de Woche unrüfn, du hiesch mone nie na gsog und dia ollm Zeit genomm.

Danke, dasse ollm wieda amol kurz af da Terrasse oda in da Kuchl vabeigschaug hosch afra kurzes Gespräch, ob und zü woa eh a längas ah dabei ;-)

Besonders getaug hot mia, wie du di bereit erklärt hosch, insa Team in Hochfilzen zi vastärken. Wie du nochand dabei woasch, isch is orbitn fost zur Nebensache wöan. Va mi woan dey 4 gemeinsame Toge jedes Jahr a Highlight. Mit dein umfongreichen Wortschotz, woas unglaublich, welche Meldungen dia ollm ingfoll hent und mit welchen Aktionen du uns asou unterholtn und ze lochn brocht hosch.
A poor Jahrlin woan eh dei Sohnemann Luk und insa Brüda Adi a mit von der Partie.
I tat gean epis dazähl oba du hosch olba gsog wos in Hochfilzen passiert sell bleib in Hochfilzen.

Suppa woa a, dass du di va kurzem spontan dazü bereit erklärt hosch, apoa Toge noch Wien ze fohrn. Sem homma mitnonda nou a suppa Wochenende erleb. Und de Helene Fischer hot unter anderem des Lied „Mitten im Paradies“ gsung, und semm bisch du hetz unkemm.

Mit deiner positiven Art, deiner Energie und Lebensfreude, wersch du olba a riesengrosses Vöabild va mi sein.
Danke, dass du ein Teil fi mei Leben woasch und i sou viel gemig hun mit dir erleben.
I hiet mi nou sou gean viele Jahre mit dia über Gott und de Welt unterhalten und gemeinsam glocht, oba is Schicksol hot gewellt, dass du an ondan Weg gehsch. Hez kune di leider nimma hean, deswegen is efta amol zin rean.

Oba
Wie hósts-irgenwenne sieg man sich wieda-bis dahin: Sog in Papa an schien Grüß, tit fest ibas Jagan reden, weil wenn i gallisch kimm hosts Themenwechsel😀

Machs güt
Du wersch olba an größen Plotz in mein ❤️ hobm

Dein Bruder Sigi

✨ Kameradschaft und Musik – unser Leitsatz. Und auch wenn dein letzter Ton nun verklungen ist, wird unsere Kameradschaft mit dir für immer bleiben. ✨

Lieber Wilf,
es gibt Nachrichten, die einen einfach sprachlos machen. Noch immer können wir nicht glauben, dass du so plötzlich von uns gegangen bist.

Auch wenn du in den letzten Jahren nicht mehr aktiv mit uns musiziert hast, bist du für uns immer ein Teil unserer Musikfamilie geblieben.
Es war für dich selbstverständlich, bei unseren Konzerten mitzuhelfen, anzupacken und da zu sein, wenn man dich gebraucht hat.

Mit dir gab es immer etwas zu lachen. Du hattest immer einen blöden Spruch auf den Lippen, warst für jeden Spaß zu haben und hast mit deiner herzlichen Art unsere Gemeinschaft bereichert.

Genau so werden wir dich in Erinnerung behalten – als verlässlichen Kameraden, der immer da war, wenn Hilfe gebraucht wurde.

Danke lieber Wilf, für deine Kameradschaft, deine Hilfsbereitschaft und die vielen gemeinsamen Stunden. Du wirst in unserer Mitte eine große Lücke hinterlassen.

Lieber Lukas mit Familie,
liebe Trauerfamilie, insbesondere Adi und Sigi,

wir möchten euch von Herzen unser aufrichtiges Beileid aussprechen. Wir wünschen euch viel Kraft, Zusammenhalt und Trost in den vielen schönen Erinnerungen an Wilf.

In dankbarer Erinnerung – deine Musikkolleginnen und Musikkollegen der Musikkapelle Hopfgarten in Defereggen 🕯️🎶

Nachgedacht!
Nit vorstellbor da nächste Arbeitseinsatz in Hochfilzen ohne insan Hausmeischta. Ob beim Kortnspiel, beim Redn, beim Trinkn, beim Arbeitn afn Schießstand, du hosch jedem "Tun" deinen Stempl aufgedruckt.
Wischi-Waschi, mia wenn oft an die denkn;
mochs güt